Shkup,09.06.2021

DEMIRI: Mirënjohja nga Organizata e Punëdhënësve të Maqedonisë është një falënderim i bashkëpunimit tonë të përkushtuar me punëdhënësit

Drejtori i Agjencisë së Punësimit të Republikës së Maqedonisë së Veriut Abdush Demiri sot mori pjesë në asamblenë solemne të Organizatës së Punëdhënësve në debatin mbi temën "Ekonomia e Maqedonisë para dhe pas pandemisë".

Ngjarja u ndoq nga Kryeministri i Republikës së Maqedonisë së Veriut Zoran Zaev, Ministrja e Punës dhe Politikës Sociale Jagoda Shahpaska dhe Drejtori i Zyrës së ONP-së (Organizatës Ndërkombëtare të Punës) për Evropën Qendrore dhe Lindore z.Marcus Milgrim. Organizata e Punëdhënësve i dhuroi drejtorit të APRMV-së një mirënjohje bashkëpunimi.

Kjo mirënjohje ka një rëndësi të madhe për Agjencinë e Punësimit dhe është një falënderim i përkushtimit tonë të bashkëpunimit me punëdhënësit që është një nga përparësitë kryesore të punës së Agjencisë. Qëllimi i APRMV-së është që të jetë ndërmjetësuesi kryesor në lidhjen e ofertës me kërkesën për fuqi punëtore. Në këtë mënyrë do të ndikojë në avancimin e funksionimit të tregut të punës në vend. - tha mes tjerash drejtori i APRMV-së Abdush Demiri.