27.01.2022

Trenchevska dhe Murati me raport për Planin Operativ 2021: Vetëpunësimi dhe trajnimi më atraktiv për aftësi digjitale, realizimi i lartë prej 94,6% dhe mbulohen 11.292 persona të papunë.

Ministreja e Punës dhe Politikës Sociale, Jovanka Trençevska, së bashku me drejtorin e Agjencisë për Punësim të Republikës së Maqedonisë së Veriut, Bekim Murati, sot mbajtën konferencë për media ku prezantuan zbatimin e Planit Operativ për masa aktive dhe programe për punësim për vitin 2021.

“Edhe pse zbatimi i Planit Operativ për vitin 2021 ishte një sfidë e madhe duke qenë se pandemia globale e shkaktuar nga Covid 19 shënoi gjithë vitin 2021, sërish kemi një masë të lartë prej 94,6% të masave të zbatuara, të cilat mbuluan 11292 persona të papunë”, tha ministrja Trençevska.

Ajo theksoi se ky realizim i shkëlqyer është falë përkushtimit të të gjitha institucioneve që kanë marrë pjesë në realizimin e aktiviteteve të planifikuara në kuadër të secilit program dhe masë aktive, e veçanërisht Agjencia për Punësim e Republikës së Maqedonisë së Veriut. Me këtë janë realizuar 1,5 miliardë denarë, prej të cilave 593 milionë denarë për mbështetje për hapjen e vendeve të reja të punës.

“Kemi shënuar realizim qind për qind (100%) të masës për Vetëpunësim, të cilën e kanë shfrytëzuar 1877 persona, ndërsa në realizimin e masës “Mbështetje për hapjen e vendeve të punës” janë përfshirë 2194 persona, e cila më së shumti i referohet personave që kanë vështirësi për tu punësuar. Janë mbi 4000 mijë persona të punësuar me këto dy masa. Të rinjtë janë e ardhmja jonë dhe çdo nxitje dhe investim në ta është investim në të ardhmen tonë, në të ardhmen e vendit tonë. Prandaj, vazhdoni të përdorni shtesën për të rinjtë për personat deri në 23 vjeç, me qëllim që të motivohen të rinjtë që të përfshihen në prodhimtari dhe bujqësi. Me këtë masë janë përfshirë 3787 të rinj, që nënkupton tejkalimin e rezultateve të pritura dhe ka arritur një realizim prej 151.5%. "Kjo na inkurajon që të vazhdojmë të ndajmë fonde dhe të përgatisim programe që do të motivojnë të rinjtë të punësohen," tha Trenchevska.

Ajo vuri në dukje edhe përqindjen e lartë prej 91% të masës “Praktikimi”, e cila i referohet ekskluzivisht të rinjve të papunë.

Drejtori i Agjencisë për Punësim, Bekim Murati, theksoi se nxitje pozitive për të papunët për të hyrë në tregun e punës janë programet dhe masat që synojnë përvetësimin dhe plotësimin e njohurive dhe aftësive të personave të papunëve për rritjen e punësimit dhe konkurrencës së tyre. Masat aktive u zhvilluan në përputhje me protokollet për mbrojtjen nga virusi Covid 19.

“Shfrytëzimi më i madh këtë vit është vërejtur në “Trajnimet për zhvillimin e aftësive digjitale” në të cilat janë përfshirë 400 persona të papunë dhe masa aktive ka pasur realizim qind për qind (100%). Në këtë mënyrë, personat e papunë u bënë më konkurrues dhe fituan aftësi që janë aktualisht më të kërkuara në tregun e punës. “Është shfrytëzuar maksimalisht edhe trajnimi për drejtuesit e mjeteve për kategorinë C dhe D, i cili përfshinte 50 persona”, tha Murati.

Ministrja Trençevska theksoi se Maqedonia e Veriut është vendi i parë që nuk është anëtar i Bashkimit Evropian dhe që ka realizuar me sukses projektin “Garancë për të rinjtë” për katër vite radhazi, projekt ky që fokusohet tek të rinjtë, të papunët t; moshës deri në 29 vjet. Po ashtu, rezultatet e zbatimit të “Garancës për Rininë” në periudhën prej 01.01.2021 deri më 31.12.2021 janë 19,298 personat e rinj të papunë të përfshirë nga të cilët 14,428 (74,8%) janë gra.

Një nga prioritetet e Qeverisë së Maqedonisë së Veriut dhe Ministrisë së Punës dhe Politikës Sociale është mbështetja për punësimin e personave me aftësi të kufizuara, tha ministrja Trençevska, e cila informoi se 157 persona me aftësi të kufizuar tashmë kanë nënshkruar kontrata për punësim përmes masave dhe programeve aktive të Planin Operativ.

“Duke shfrytëzuar përvojat nga zbatimi i Planit Operativ në vitin 2021 në lidhje me masat që ishin më atraktive dhe për të cilat u shfaq interesimi më i madh, krijuam Planin Operativ për vitin 2022 në vlerë prej 28 milionë euro (1,73 miliardë denarë. ), tha Trencevska.

Ajo tha se Qeveria dhe Ministria e Punës dhe Politikës Sociale vazhdojnë të krijojnë politika dhe masa për qasje të barabartë për të gjithë qytetarët, me qëllim të rritjes së punësimit, krijimit të vendeve të reja të punës sipas nevojave të tregut të punës, siç janë trendet e fundit për mbështetje për krijimin e vendeve të reja të punës për investimet e gjelbra dhe e gjithë kjo do të kontribuonte në zhvillimin më të shpejtë ekonomik të vendit.

Konferenca për shtyp në gjuhën maqedonase: https://youtu.be/hO7XOpa-Hlw

Konferencë për shtyp në shqip: https://youtu.be/b09L_ZFIJ6g